一生人遇上嘅教畜何其多，我懷疑同教育從業員呢行係天敵。P.S.一隻手都數晒邊啲人值得尊稱為老師，講緊嗰隻手唔齊五隻手指。 細個已經係嚿蕃薯，你叫我就行，企就企。個腦好簡單，大人俾指令，我就會俾反應，conditioning嚟。 小二嗰年，嗰個聞風喪膽嘅教畜做咗我班主任。本身都相安無事，突然有一日班主任簽事冊之前，搵咗班長出去睇秩序。諗住都係啲老套嘢啦，班長覺得曳就摘名，咁咪罰嗰班人。 仆街，今次轉玩法，放學鐘響之前，仲喺出面罰企嗰個就要罰抄。而我就係不幸嗰個，我只係拎轉頭著返件褸。頂你個肺，就俾個騰晒雞又係俾人屈嘅男仔叫咗出去罰企。我喊住話俾人屈，冇人理我。我屌晒你地老母，咁細個就玩人性遊戲。 著咗褸嘅蕃薯，會進化成大蕃薯，於是大蕃薯放學喊住搵老母。大蕃薯俾人屈，家母即時變身做烈火奶奶。衝咗入火場，呀唔係，係入學校搵教畜battle。一輪刀光劍影，個教畜好唔忿氣行埋嚟同我講，做咩俾人屈唔同佢講，我屌你呀，我同你講嗰陣，你話唔聽藉口。最後我硬食罰抄一半中文書vocab 第二日上堂交罰抄仲搞笑，佢喺我面前撕爛罰抄，話唔會收我罰抄，之後一嘢掉落垃圾桶。成個動作幾咁一氣呵成。