中二果陣開始睇波，開咗場曼城黎睇，我就被辛尼史達寧兩翼齊飛嘅踢法深深吸引。 睇住曼城一次一次喺八強止步，球隊legend 帶着遺憾離隊真係好sad。尤其是21年決賽輸比車仔，阿古路同歐聯冠軍擦身而過果一幕。 2023年，曼城再一次打入決賽。當日深夜睇着Rodri 一箭定江山，打破歐聯魔咒捧杯，成為三冠王，到而家都覺得好難以置信。 機緣巧合之下，我嚟咗英國讀書。咁啱三月得閒就上左Man睇波。第一次現場聽到歐聯首anthem同埋睇Pep教波真係好震撼好難忘。好感恩可以喺曼城三冠王嘅身份之下睇返場波，睇到夏蘭特同埋艾華利斯各入一球。 如果你問我點解會鍾意曼城，我會話因為我係呢隊波身上睇到自己。由冇大賽經驗，唔識踢逆境波慢慢變成一支抗壓能力高球隊，最後贏歐聯冠軍。呢隊波教曉我仲使難關重重，只要揸緊信念咬緊牙關，魔咒都可以打破。 係到想同無論係揸BNO visa ，定係離鄉別井嘅你講，適應新環境從來唔易，由你踏出comfort zone 第一步已經好勇敢，比D掌聲自己。面對難關時你或許會感到迷失，感到氣餒，但希望當你想放棄的時候，提醒自己當初做嘅決定是正確的，勿忘初衷，揸緊信念捱過去。