今日想告解一下🤧 話說前排屋企花園樑上築咗個鳥巢 但係啲雀屎痾到一地都係 今日同阿媽face time嗰陣講開 佢叫我清一清佢啦 咁我見天氣唔錯而今日又無乜嘢攪就馬上行動 點知倒水清完啲雀屎無幾耐 有兩條蜈蚣同時走咗出嚟 嗰吓好驚佢哋會走上正正企喺花園嘅阿女對腳度 好驚蛇蟲鼠蟻嘅我都要頂硬上 二話不說立即入屋拎殺蟲水噴射佢哋 嗰頭噴完又有多一條爬出嚟（我的媽呀！！） 最後佢哋當場暴斃 但我真係無膽量去清理屍體 我有諗過不如一條一張廁紙鋪喺面幫佢哋RIP 但我媽話啲廁紙俾風一吹就吹走 所以我最後決定等我老公返屋企清理現場 適逢今日星期五 老公收工揸車經過見到屋企附近嗰間成日長爆嘅coffee shop難得地少人 於是佢話不如去飲杯啡 立即出門出發 但飲啡期間突然落咗場大雨 飲完啡就立即返屋企啦 而我當然第一時間就捉個老公去處理屍體啦 一打開門立即O了嘴 三條屍體不翼而飛 我第一時間幻想究竟會唔會係樑上面嗰隻雀擔咗佢哋返屋企餵雀b 又或者係其他雀仔飛過食咗 諗起個畫面我喺屋企不停講I'm so sorry... 而到呢一刻我個心都仲係好唔安樂 希望只係場大雨沖咗佢哋走啦...