Cy Leo講AI講得太好，搞到我都想講 😂 我一向唔討厭AI，我甚至喜歡AI。公司兩年前叫左我地部分會計同事學Robotic process automation，一個軟件可以將平日繁複manual嘅工序自動化，交俾robot處理，以我所知個bot後面係有AI嘅。美國有同事將原本幾個鐘先完成到嘅工序，一個bot撳個掣十分鐘搞掂，AI改善我嘅生活，有咩唔好？🐒 Youtuber RainIsHere話AI改善左我地生活之後，人類會傾向追求多啲spiritual嘅野，例如哲學、音樂、藝術etc，我自己好buy呢個觀點。AI令我地唔駛日做夜做，人類自然有時間去追求更有意義嘅事，多啲關心身邊嘅人同事。曾經有朋友話將來人類同AI溝通得啦，同AI拍拖都可以架，駛乜同人接觸丫。我自己係掉返轉諗，唔信AI會切斷人同人嘅連結。 會計嘅訓練話我知，AI需要被監管，如果唔係會失控。我成日覺得電影入面嘅智能叛變真係會喺未來出現，人類太危險喇，AI冇理由唔知 😂 但見虛擬貨幣到而家都冇王管，人類睇怕都係避唔過動物嘅本能，有得搵食就食左先，出事先再算。(全球暖化咪係咁囉，講多過做，愈嚟愈差) 歡迎討論🤓