Bonded Store 大概就係船上嘅小賣部 平時一到埠就會上幾十至一百箱啤酒、汽水、零食、香煙同日用品 而我就要螞蟻搬家咁將咁多箱嘢，由甲板抬三層放入呢間房 每次咁搬搬抬抬之後，apple health 都會彈個notification 出嚟 有啲賓仔同事好蠱惑 會喺搬嘅過程整爛一兩case啤酒 咁就焗住要報銷 而佢哋就有免費酒飲 最後就麻煩到我要諗方法填咗條數佢 另外入完貨之後都會整張價目表 有crew要買嘢嘅話 就會寫張紙仔俾我 然後我會每個月集數，再喺佢哋戶口到扣 記得有一次有個全船最大肚腩嘅engineer見我點緊貨，就埋嚟同我講 🫄🏽：你可唔可以賣啲零食呀，朱古力呀俾我 。 我呢排夜晚都唔食飯，廢事升糖指數太高 但係又肚餓到瞓唔着 所以我想有啲朱古力咬下 見佢越講越慘咁樣 我就將所有賣唔出嘅零食都俾哂佢 順便騰空返啲位嚟上新嘢 希望🫄🏽佢身體健康🙏🏻 （後來埋數發現，佢一個月都買咗成千零蚊啤酒朱古力……）