呢幾日網上討論區盛傳那「做咗十幾年嘅前香港老師拿750萬港幣移英後感後悔決定回流」的故事，我個人感想係：「吓？！」 喂呀，移民唔係玩泥沙，咁大個人（仲要係老師😮‍💨），唔係做每一件事前都應該唸清唸楚㗎咩？！無理由未來之前唔知道英國比香港凍、購物地方比較少、生活無香港咁多姿多彩同方便、無工人姐姐要自己處理家務、人工比香港低⋯等「人所皆知」嘅事實㗎！🤔 坦白，我嘅背景同呢個「事主」case差唔多（只係佢係一家三口而我係一人一貓），我真心唔明呢個人想點？！以我自己為例：我嚟之前已經幫自己身心做好準備（例如開始嘗試學習煮食、喺邊度落腳、唸定d積蓄點用、預計每日生活大概係點⋯）嚟咗兩年，基本上一切都係我預期內的⋯我覺得極開心喎😍 正所謂「各有各選擇，沒恨亦無怨」我從來都唔會「水」人移民/留港/回流的，每個人想要的生活都唔同，一切都是個人選擇，沒有對錯，重點係做每一個重要決定之前，都應該考慮清楚，問自己個心想點而唔係、驚死蝕底而隨波逐流囉！🤨 始終相信有捨才有得：用高薪金+生活方便換取悠閑生活是否值得絕對係個人選擇！移民不是適合所有人，更不是解決問題的方法，生活在任何地方都有其優點缺點的！😗