睇人搞婚禮真係可以睇到人生百態： 有新人會為咗賺錢，搞到個婚禮有幾平價得咁平價，最後賺咗好多人情，但係輸哂人格，個名會臭遍社交圈子。 有啲女人為咗自己嘅虛榮心，有幾大搞幾大，最後難為個老公。最後搞到想請多啲人圍返條數。但係會發生啲咩問題？ 就係有啲人收到請帖，最後只會問身邊嘅朋友：「你去唔去㗎，你唔去我都唔去啦」 即係話收到請帖嘅人其實對嗰對新人都冇咩感覺，甚至乎唔祝福。真係好撚假。如果喺個婚禮現場有一個喇叭播出各位出席人士嘅心聲，一定係Negative嘅說話 多過 真心祝福。 婚禮嘅本意就係想一班真心祝福自己嘅人見證自己踏入人生另外一個階段。但係人就係自私，講到錢，成件事就會腐敗，最後為搞而搞，新人為自己嘅錢又好，虛榮心又好，客人口講祝福，但心裏不斷Judge你，最後搞到呢一件事其實喺個婚禮入邊有幾多個真心為呢段婚姻而開心？ 我見到一對新人係同身邊最close嘅人一齊食餐飯，講有質量嘅談天說地，而唔係假到仆街嘅社交辭令，咁樣係我見過最幸福嘅新人。 搞婚禮呢啲就好似一個回力鏢，你點樣對其他人，其他人他日都會點樣對返你：） 🪃🪃🪃 イラスト: いらすとやさん