「買衫JJ: 已滅絕的衣服款式」 復活節假期，同大家討論一下一啲archive級數嘅Vintage同埋已經好少見嘅衣物細節。 頭盔：有錯請指教，互相交流 「Overalls Dungarees 」 Levis所定義嘅牛仔褲係指撞釘（rivets)+牛仔布。後來1930s再加上紅旗同海𠥹線。喺出現501之前，其實有好多牌子都有indigo canvas+撞釘呢個組合。大家除咗叫Jeans外都會叫佢Overalls/Dungarees 。而我哋可以睇到主要嘅分別除咗冇Levis先有紅旗呢啲detail外，最大分別就係冇咗皮帶扣，取而代之係吊帶扣。喺現代語境入面，Overalls已經剩係指遮埋上身嘅工人褲。Dungarees就直頭好少見人用。 「Strong Hold」 喺呢一代嘅工作褲入面比較有印象嘅遠古牌子就有Strong Hold。佢相傳係當年洛杉機龍頭衣物牌子。依家所搵到嘅都係大約1890s-1910s（唔知點解後期嘅感覺好少見）稀有，好貴但係都好想要。呢個牌子喺1950s就執咗笠，後來2004年重啟。依家亦已經唔會再叫Overalls，產品名都係直叫Denim。