話說，我有條黑色運動長褲👖成日着，返工着，返學上 clinical class又着，因為佢好輕又薄，好舒服 我星期日開始返工已經着緊佢，星期一放工返到屋企第一件事就係手洗咗佢，之後晾出去露台，打算星期二返工又再着佢，實乾得切 星期二返早，一早5點就起身準備返工，出去想攞返條褲，佢竟然唔見咗！簡直晴天霹靂⚡️！我條lovely黑色長褲，得返個衣架仲掛住喺晾衫繩度，條褲連衣夾一齊消失！ 當時唯有着另一條 cotton黑色褲返工，返工途中再搵阿哥睇下佢有冇攞過我條褲，得出結論係：有人偷咗！後尾再諗返，阿哥有條格仔長褲+一對襪都俾佢一次過偷埋 但幾恐怖，有人爬入嚟偷走兩條褲加一對襪（仲有一件唔知咩衫/褲），我當晚仲係開窗瞓覺嘅🥶