唱歌咩叫好聽? EP.2 P.1 （二） 人聲音色 我個人會比喻為顏色，有人有10隻顏色，有人有100隻顏色甚至更多，而一個紅色都可以分好多紅色（女仔就最清楚）。而你有嘅存庫，你用到幾多，你想用幾多，你用唔用到咁多，你用得好唔好識唔適當，最後都係交俾你當刻有限度地安排。 第一：天生的，你發聲正常嘅話，放鬆講嘢/唱歌會有一個獨特嘅聲音方向，呢個就係你天生嘅獨一無二嘅音色，儘管有相似都只是相似，點都有啲啲唔同。 第二：後天的，當你改變聲帶閉合、長短、厚薄，發聲共鳴腔體，舌頭一丁點任何郁動，嘴型甚至一些對發聲有利/不利嘅肌肉等等好多嘅因素，都會改變你嘅音色。 而音色係好多唔同元素、發力集中一齊合作出嚟嘅結果，所以係非常複雜，仔細聽其實通常唱歌音色好聽嘅人都係每粒字都會輕微至重度改變個音色，甚至子音同母都唔同，最深入咁講就係一粒音嘅長度你可以有限度地做好多唔同嘅變化，一個簡單例子：一個長音，頭一半你將把聲由好實好響嘅聲慢慢漸細成輕輕地嘅弱氣聲變尾，呢度由強混變氣聲弱混已經係好多個動作整合埋一齊組成嘅音色。 由於文字限制，重點交由下一版帖子繼續延伸。 Page1.續下頁 唱歌