社會小薯成長記 數數手指我已做左八年公立醫院護士，最近回顧自己嘅成長，發現同當初畢業嘅小薯好唔同，感恩熱誠仍在，但變得更懂自處 由細到大我都係老師眼中嘅好學生，朋友眼中嘅好朋友，漸漸地養成咗一個「討好型人格」，好想喺每個人面前展現自己最完美嘅人設，好想討好每一個人，亦好介意人哋點樣睇我… 漸漸地我發現咁樣好辛苦，因為我冇可能討好每一個人，呢個世界真係有樣野叫「天生氣場唔啱」，無論你幾咁努力去避雷唔得罪對方，從來唔托手踭亦冇為我帶來優待，對方都係可以冇理由咁去討厭你！明明自己冇做錯都會俾人西面😀剛踏出社會嘅我覺得好無辜同無奈，亦都因為咁樣而唔開心過，甚至諗過我係咪應該要去擦佢鞋？去討好佢？ 幸好我冇咁做，學會本住「問心無愧」既信念，做我應該做嘅工作，將心思花喺對我啲病人好啲，而唔係花系點樣討好我嘅上司，佢鍾意點樣對我我管唔到，但我管到自己既情緒同態度。 及後再將呢一個don’t fucking care既態度延伸至更廣層面，拋開對自己既容貌焦慮，對於別人吃了屎般口臭的苛刻說話不放上心，反而可憐佢變成心地咁壞嘅人😌相信可恨之人必有可憐之處～ 做好本份，做好自己，這也是成長的一課