話說，小弟🦉第一次嘅社工實習係沙田區某中度智障學童(6-18歲）院舍有好多深刻嘅經歷。當中，最令我難忘嘅莫過於臨完成實習嗰陣，同一位10多歲嘅唐氏小朋友👦嘅對話。 實習最後一日… 👦：曾sir!!! （急步走過嚟抱住我），掛住你。 🦉：我都掛住你。 👦：曾sir，我想送啲嘢俾你。你過嚟吖…（拎部iPad出嚟，打開YouTube） 🦉：係呀，你有啲咩想送俾我呀？ 👦：（好開心咁笑）我想唱歌俾你聽！（之後，佢喺YouTube瀏覽記錄搵咗一首歌「一生中最愛」。）  唱完之後… 👦：曾sir，一生中最愛！ 🦉：多…多謝你…曾sir都好鍾意同你一齊唱歌、玩啤牌、傾心事…多謝你願意同曾sir做朋友！ 👦：（開心地笑）好啦！（語氣一轉）唱完啦，你快啲走啦。我好忙啊，要睇iPad… 雖然嗰一刻，我嘅淚水即刻收返。但係，我後尾諗返，佢哋真係同一般人無異。佢哋每一個都有自己獨特嘅優點、性格同埋諗法。有時，我成日都諗其實一個人佢有冇價值，唔係取決於佢讀邊一間名校、賺幾多錢、識啲咩專業技能、智商有幾高、有幾多人認識…而更重要嘅係嘅，做人真誠就足夠啦。 如果，人同人之間嘅交流係咁真誠就好喇。