內觀中心10 批判之心@2 喺去內觀靜坐之前，我就曾經有試過幾次10分鐘左右嘅打坐嘅mediation，感覺喺幾良好。當時係有朋友撩我一齊做瑜伽同做體能訓練，每次training 之前我哋都會花少少時間瞌埋眼，坐喺瑜伽墊上面聽住一啲Hz Frequency 嚟打坐，希望可以幫助專注之後嘅訓練。 就我而言，要完全專注喺當下，首先要唔受任何人/環境/聲音..呢啲雜訊(noise) 嘅干擾(五蘊?) 。呢啲干擾往往會變成咗一啲偏執嘅想法(偏見/標籤)，形成咗我哋嘅困擾/苦。 現代人自細已經活喺有擁有科技，網絡，資訊量爆炸等等嘅環境底下生活，往往失去咗”在當下”呢個能力。我哋好多時候都唔能夠好專心咁喺當下只做一件事，做”好”一件事，而喺永遠覺得時間係唔夠用，1分鐘都唔可以浪費。 翻工嘅時候我哋被要求需要同時間一心多用，食飯嘅時候我哋要睇電視/電話，溫書嘅時候要開住音樂。 要做到唔俾呢啲嘢干擾，我覺得第一件事就係要慢。慢落嚟，靜落嚟，好好諗吓自己活係一個乜嘢局面(環境) ，問吓自己發生緊乜嘢事。而meditation 正好就係做緊呢樣嘢。 留言續..