我發覺自己近呢一兩年開始無乜耐性同啲唔啱vibe嘅人交往。可能因為呢段時間人生不斷迎接劇烈變化，由香港到多倫多，再到溫哥華，自身面對嘅難關已經夠多，我覺得自己呢一刻真係無辦法再容下一啲會加重我心靈情緒負擔嘅人與事。 咁所以2024下半年，係時候要再努力啲學習聆聽自己內心嘅需要同聲音，更加自發、果斷地同生活中各種toxin say goodbye。