打開速成，入大學嗰時買咗人生第一部laptop，買咗張廉價速成碼貼紙，點知用咗兩日甩Q曬。完全唔記得啲碼，死死氣買多次，仲要好小心噉貼，點知都係甩曬😡一氣之下直接唔貼紙，打打下就變肌肉記憶，幾時都話人類嘅身體好神奇！ 講開速成，其實我完全唔知點解會學識，中學嗰時諗住學倉頡，但係學極都係覺得好難，唔識拆成隻字嘅碼，就轉咗用速成。當時幾乎隻隻字都係要上網查先知點打，如是者就唔知點解捉到條路，打咗好幾年。（而家仲係有啲字唔識打，所以長期有兩、三個keyboard 俾我打中文）