最近發現身邊有好多人覺得 努力→成功 分享吓自己領悟到啲咩 由細到大 好似成日都俾人灌輸一個概念 只要你肯俾心機努力就會成功 但係明明只係成功其中一個因素係努力 明明見到身邊嘅人好努力咁 但係總係未達到要求 俗稱炒咗 其實可以抽象少少嚟形容 你個人就係一個完全冇裝備嘅騎士 努力就係一個裝備 好似你把劍同埋盾牌 但係就算你有呢啲裝備 好似去到最後打boss 都未必打得贏 所以 其實努力只係幫助你嘅嘢 當然可以選擇赤手空拳挑戰 但係聰明嘅你 又會唔會呢？ 又會有啲人話：啲人溫少啲書就可以考得好好 自己溫書溫得好耐但係考得好衰 都要睇返自己係咩人 你係一啲原本就跟唔上進度嘅人 你付出101%嘅努力都可能只係喺一個穿咗窿嘅煲補吓個窿 真正裝到嘅可能剩係得1% 啲人成日話咩搏盡無悔 呢句好老土我唔係幾鍾意 但係無可否認 你唔努力喺度怨天怨地怨人都冇用 努力咗 無論最後結果係點 都應該可以接受 可以同自己講 起碼有努力過 呢個世界冇如果 起碼唔好俾自己輸咗喺度怨 點解我冇努力