想分享一下我最近嘅柒事 話說 我好懶 卷菲林我由2023年年頭影到2024年頭都未影曬 突然間戚起條筋 我好想曬啲相出嚟 因為實在係耐到入邊有啲咩相我都唔記得 （每次都係一個驚喜！） 加上呢部相機係我新買 同個隻菲林我係第一次用 我係非常期待個成品 但係因為都真係實在太耐冇用菲林相機 我唔記得咗點樣先可以將卷菲林轉去可以拎出去曬 咁啱相機下邊有個箭嘴（向左邊方向） 咁我喺度諗 入係左邊咁調返轉咁應該係右邊 我就一直向右扭直到盡頭 （最後我先發現我扭錯咗方向！） 我又唔肯定 所以我就問我屋企人係咪咁樣就得 衝動嘅屋企人話只要你一扭盡就OK驚咩阿？ 然後一野打開咗個相機盒 「啪」一開！ 見到啲菲林完全仲完美kick係影相個個位 成年影嘅菲林相亦都完美嘅暴曬光🥹 最後我為呢堆相傷心咗一日+流下2024第一滴眼淚 我分享呢件事並唔係怪責任何人 只係想記低今次咁on9嘅自己 同埋下次再曬相嘅時侯我可以再睇多次呢段文章 然後學識點樣成功拎到卷菲林出嚟再去曬 完