Immersion Suit 好似冇一個確實嘅中文譯名 每間房都一定配備一件救生衣同immersion suit 主要作用係假設逃生而又落咗水嘅時候 可以保持體溫同埋防水 因為冇呢件嘢，就算唔浸死都可能因為失溫而收皮 （如果Titanic 入面Jack著咗呢件嘢會唔會唔使因為失溫致死？🤔） 咁啱船上用嘅呢一種係需要同救生衣夾埋一齊用 如果唔係跳咗落水都係唔夠浮力 由於國際例有要求船員要喺兩分鐘內， 冇任何幫助下著好成套救生衣同immersion suit 所以少不免又有training 啦🫠 於是有一次船長搞咗個donning 大賽 最快着好件救生服嘅crew 可以贏得廿蚊美金 當然啲crew一聽到有獎金 平時喺meeting hea 下hea 下，揸流攤嘅同事都搏曬命咁鬥快着啦🤑 最後由個全船最細粒嘅cadet贏咗 點解？ 因為你隻腳穿到去膝頭哥位嘅時候 佢已經套晒成隻腳落去 當你仲fit緊手指啲位嗰陣 佢已經拉緊拉鏈 咁好難唔贏 但我當時諗嘅係千祈唔好整爛 唔係又有手尾跟😵‍💫 PS: 由day 1開始見到呢件immersion suit 已經覺得著完之後好似Among Us