想講…. 有人話而家冇野講，要搵番咸豐年啲嘢嚟講？😌其實真係唔應該嘅，過咗去咪過咗去囉，此一事不同彼一事，唔應該黐埋一齊去講。但係咁，我又理解大家點解要搵番以前嘅事嚟討論，因為哩個人係一直keep住重犯同一個錯誤，都係出自同一個根源，見唔到佢有進步過。響personal development嚟講，呢個係屬於同一個問題嚟！ 人嘅成長，犯錯係必然亦都係必須。成長、進步、蛻變，就係要借助呢啲歷練。經過挫折、反思、自我了解、醒悟、改過，先能夠更上一層樓。係好痛苦㗎，講錯一句說話，或者做錯一件事，只須花好短好短嘅時間，但係要彌補過失就要花上成千上萬倍嘅時間。要有擔當，有勇氣，有智慧先能夠迎難而上，接納自己嘅不足，同時努力改善。 人生在世，機會唔會成日有，亦唔會無條件一次又一次出現，講到尾都係要靠自己嘅修為。 有錯就要認，如果第一步連認錯都唔肯，我又真係見唔到佢做人可以有乜嘢進步🙂‍↔️