偶然睇到一個台灣人嘅post，post主參加咗一個喪禮，朋友過世原因係自殺，家屬哭訴逝者有事唔講，post主話其實早就發出求救訊號🆘 好多年前我有個朋友突然消失之後無出現過，總係有一種奇怪感覺，間中會諗起佢，最後輾轉下問到，原來我既直覺真係無錯🫠 一下子勾起哂零碎片段，諗返就好似發生冇幾耐，嗰年成班人好開心，年少無知過得無憂無慮。後來各有生活吾再成日聯繫，間中係社交網絡寒暄幾句，大概知道對方嘅事，總算冇失聯，直到你消失🫥 我無諗過你會以呢種形式離開，但好似你屋企人所講，你根本一直冇放低過好痛苦，你既選擇對你嚟講係解脫，只有滿滿尊重🙏🏻 有種人同回憶未必佔據人生最多時間，但偏偏令人念念不忘。我永遠記得嗰一年，記得你曾經出現過。望遠方既你一切安好💐🌠🩷 上星期同閨蜜食飯又講起我近年發生嘅鳥事，傾傾下佢突然間話:[我老公覺得你仲忍得勁過我奶奶，叫我多啲同你傾關心你，佢擔心你做傻事。我同佢講覺得你唔會，雖然你有時消失我都好擔心。]聽到嗰刻即刻眼濕濕🥹呢個閨蜜陪我渡過咗好多高低起伏，不離不棄，連佢老公都好好人！ 我的確未過得去，但身邊有咁多真心關愛我嘅人，我一定會努力撐著，放心🫶🏻