關於釣魚 經常有人好奇或者講笑咁問我 ：你喺海唔怕肚餓啦，隨時都可以釣魚上嚟食 首先我喺船上是唔食魚的 原因可以睇第三幅圖🤢 另外喺隻船行緊嗰時係釣唔到魚的 假設隻船行緊10節航速（大約時速18.5公里左右） 你揸住枝魚桿嘅時候，魚餌都係跟住隻船一齊行 咁應該唔會成功釣到 如果有的話 個畫面可能就會好似老人與海Santiago同條魚搏鬥一樣 所以平時喺船我唔食亦唔釣魚的🙌🏻 例外就係有時隻船喺錨地 落咗錨嘅時候 同事們就會用啲魚絲手釣 一嚟為解悶 二嚟加餸 話說有一次夜晚十點零當緊更嘅時候 有同事好窩心咁提我煮咗宵夜 咁平時如果有好嘢食 多數喺我發現前都俾賓同事食哂㗎嘛 肚餓嘅我一打開煲蓋 發現一堆未打鱗劏肚嘅魚同啲蕃茄洋蔥共冶一爐 滾咗紫色嘅湯出嚟 我望完聞一聞之後冚返個蓋 第二日我問煮嗰位同事 ：其實你尋日煮完煲嘢之後有冇食到 佢笑一笑🙂 我唯有提佢下次唔好玩食物🫠