内觀中心9. 批判之心@1 聽咗大半日講解，form又填晒飯都食埋喇，終於要埋牙到主菜環節 - 入法堂打坐！ (｡･ω･｡)ﾉ 之前有講過中心入面有兩個法堂，我哋主要都喺留喺大法堂打座，細嗰個通常係夜晚睇開示用嘅。 大法堂喺得個名，其實一啲都唔算大。我諗得以前中學個hall嘅一半都冇。每次入法堂之前我哋都會喺外面集合，等鐘聲響起同埋準備好先會有秩序咁樣一個接一個人慢慢咁入去，入去之前會除鞋。 主管同義工會喺最前排同我哋一齊打坐，而我哋學員喺分開男左女右，舊學員喺前，新人喺後排，面向住佛堂坐。中心會有提供一個蒲團俾你坐，你可以攞多一兩個墊高個人冇咁易攰/痛。 呢個十日課程喺會有同一位師傅/ 老師陪同大家每日一齊打坐，佢會坐喺法堂中央位置，好讓大家都能夠望到他/他能夠望到所有人。 同埋有關於打坐/內觀技巧有問題嘅話，喺可以寫底喺public area有張form, 俾你約時間見見老師，佢會有單獨幾分鐘個人問答環節俾你。不過就有講唔會答有關於哲學或者宗教嘅問題。見老師個名應該似係印度人，佢任何時候出現都係着住和尚(僧人)嘅裝束。 留言續..