最近美國好多大學都爆發關於Gaza地區嘅抗議。所以想講下個人既睇法。 美國係一個有言論自由嘅地方，所以我係支持任何抗議同發表言論既行為。我亦都唔接受任何警察強行清場嘅行為。大學係一個有言論自由同學術自由嘅地方 ，應該接受唔同意見嘅人嘅聲音。 但係咁樣唔代表可以無限上鋼言論自由既定義。好多人打住抗議嘅機會，發表好多關於要屠殺猶太人嘅言論。好明顯就過咗言論自由嘅紅線。而支持以色列同Gaza地區嘅人都發生咗強烈嘅衝突,所謂嘅自由係喺唔影響其他人嘅自由嘅情況下所擁有嘅權利。你有你嘅自由支持Gaza，佢都有佢嘅自由支持以色列。 但係好明顯絕大部分嘅美國大學生喺抗議時候嘅想法，言論，行為都極之幼稚。一班完全唔知道政治係乜嘢嘅學生， 佢地更加唔知道咩行為先可以真正幫到Gaza地區嘅人。 明明身為一個大學生最重要係學識如何批判性思考。 我曾經同之前同支持Gaza地區嘅大學朋友傾過計， 好明顯佢哋只係單方面接收咗伊斯蘭教喺social media上大外宣嘅資訊。 完全冇考慮過資訊嘅真偽。由於tiktok喺年輕人之間嘅流行，令到中國可以隨意操想畀美國人睇嘅資訊。