《九龍城寨》 絕對唔係專業影評，分享我嘅觀感only 九龍寨城係其中一個好想搭時光機去嘅「三不管」地方，當知悉上畫我就即刻拉埋另一半去睇 後來另一半話去廁所聽到有人話係「爛片」 我當刻心諗：你期望係套戲入面睇到啲乜？ 觀眾決定睇某套戲，我相信內心都會有期待值，期望值 ：你希望套戲係呈現到邊方面，邊種感受俾你？ 套入《九龍城寨》 如果你期望睇城內生活百態，寫實內容，呢套就無辦法滿足你 始終佢只係用城寨作為電影背景，作為切入點去講述兄弟幫/黑幫？ 故事更多係打鬥場面，兄弟情，街坊互助 無可否認，打鬥場景算係近年最像真，下下到肉，觀眾嘅情緒會跟隨節奏有起伏 (至少我係啦🧎🏽‍♀️，睇到我都覺得好痛) 每位角色嘅性格都特出，尤其王九，佢係成套戲嘅MVP，當然演員嘅演繹到位都好重要，而且做得好好。 講翻特效，除咗有幾個畫面有啲膠外，其餘都還原都得好，個人感覺。九龍城寨入面交錯複雜嘅建築都塑造得幾好，不過要問翻住過嘅人先知係咪還原度高。值得一提係有幾幕係從九龍城寨望翻出去九龍市區，只有幾秒嘅情節都有認真描繪，而且切合年代嘅發展。 以戲情進展而言，佢算唔算狗血呢？ 字數所限，留言繼續