每次同Vancouver/Toronto嘅friend傾計都一定會問我幾時搬走，個個都覺得Alberta好悶好鄉下，我喺嗰度又冇乜朋友冇乜香港人。 其實係真，去大城市旅行好開心，會有翻夜生活條街又熱鬧，亞洲菜又多啲好食啲，但真正生活落嚟最啱嘅都係Alberta呢啲鄉下地方，起碼你每日接觸嘅係白人，聽嘅講嘅係英文，地方雖然荒蕪但每日藍天白雲，放假食吓飯已經好開心，高消費活動唔再等於開心（因為冇），所有野純粹咗好多，而唔係搬咗去第二個講英文嘅地方，再繼續香港嘅日常同習慣，而係真係有一種開始咗第二個人生嘅感覺。 感覺每個地方都有好有唔好，識得欣賞同感恩先係最重要，時間唔會倒流，雖然外國獨自生活好多shit要面對，但有種自由係無可取代。