龍舟係我堅持左5年既運動 偷雞咁講 係5*12個星期六/日 每次搭2個幾鐘車去 然後上船暴曬/吹海風2個鐘 之後痛番幾個鐘又或者幾日 到你差唔多唔痛既時候 又到星期五啦 又會有少少心理關口 想去玩 又唔小心玩到3/4點先走 到底第二日病唔病好呢？ 明既人就明 上左船 就係一條船 一個節奏 講真 你有幾落力 去到幾多水 無人會知 做得好 架船會好去 做得唔好 可以係自己渣灘 可以係前面 可以係其他船太勁 結果係點 排名幾多 完全係out of control 但係如果可以’盡做’ 我會試吓 試吓 之前果晚玩少啲 第二朝同隊友吹多啲水 儲多啲默契 試吓 做多啲熱身 等條腰廢少啲 試吓 查多啲防曬 唔想打斑 試吓 自己去盡 同時間幫條船數大聲啲 俾多啲熱情 同 熱誠 大家 試吓 俾少啲tips人地 講少啲經 等人地自己feel吓 試吓 唔好再煩住大家拎防曬水同帽 成個呀媽咁款 試吓 沖完涼 唔好再問人飲唔飲野 或者人地覺得好大壓力呢 有一日 我應該會唔再做captain 做番條無腦既左手或者右手 或者鼓🫱🏻 果日黎之前 我都會繼續做個好多嗲既煩人 係度拍片指正你既動作😄