1、其實老年齡人嘅戀愛都應該得到大家嘅尊重，點解要先入為主大陸女人就係呃錢嘅 2、佢個細女粒聲唔出就轉咗個阿伯嘅嘅所有積蓄,你哋覺得佢做得啱咩 3、有咩事唔可以坐低一家人慢慢傾，佢啲仔女呀女婿呀仲要用粗口直接鬧個女人,如果個女人真係做咗對唔住阿伯嘅嘢你哋鬧冇問題，但係而家咩事都冇發生到佢第一法律上係合法嘅夫妻，你哋咁樣鬧自己個阿媽自己老豆真係唔驚畀雷劈？ 4、點解要先入為主覺得個女人係一個阿伯嘅錢而唔係真係想同佢一齊呢？阿伯守寡咗咁多年而家有個人服侍佢仲係仔女嘅應該戥佢開心先啱㗎 5、啲仔女如果個阿伯冇錢係咪就冇唔理佢呢 6、難聽啲咁講，阿伯咁嘅年紀搵個女人服侍佢照顧佢其實洗少少錢有咩所謂呢 7、一句到尾阿伯食粥多過你食飯，你估佢唔知道邊個對佢好邊佢對佢係真心嘅咩 8、講到尾啲仔女又唔係喉住阿伯嘅錢，驚阿伯冇錢喇自己分唔到身家咪著緊囉你估佢哋真係孝心咩