細個睇電視，好似《男親女愛》 或者美國sit-com 嗰啲，就會見到啲大人喺餐廳摸住酒杯底傾野，番到屋企又再摸多次酒杯底傾野。 唔雖然唔明佢哋up mud, 但見親佢哋都喺啲燈暗暗，但又好「modern」嘅空間。當年對modern 嘅定義，就係： 1. 鮮色 （圖二嘅淺藍、桃紅、圖三嘅粉紫） 2. 餐廳多數都好暗，但會有紅色interior / 鮮綠色嘅玻璃野 3. 一定加枝細燈/ 蠟燭同黃色花仔 （見圖一) ，氣氛時尚兩相宜 有啲遺憾嘅係依家依個interior style 買少見少，可以因為”out 左”，但最近去左間steakhouse, 意外地正正係2000年初期中環人去Dolce Vita 一下嘅軟裝。咁岩坐正玻璃窗位，真係有種 「呀，我終於做到細個睇電視入面嗰啲大人喇」嘅感覺。 可能成日覺得「長唔大」，「自己仲未係大人」，係因為我哋依家嘅環境同我哋細個覺得係「大人嘅環境/ 社會氣氛/ 流行文化」好唔同，所以一直好難覺得我哋已經成為大人？ Any肥，本身係想介紹下依種interior style，唯有下回再續。 同埋依家扒房最好食嘅，其實係個Garlic 😂