承蒙諸位厚愛，深不見底嘅留言區真係令我些少壓力。 好吧其實我本身淨係打算幫一至兩位同學免費補習，但係大家嘅如火熱情，我實在難以推卻😭 till now已經收咗4位學生，超出我原定計劃。 私補，尤其係高form中文科，真係唔容易的。其他科目要準備教材好簡單，淨係搵返嗰個topic嘅練習就可了。但係中文唔係單靠固定嘅練習，仲要視乎學生嘅強項弱點，制定教材，批改文章，製作筆記....投放俾每一位學生嘅心思同時間遠超每星期一堂$170嘅時薪，更何況係免費嘅補習... 所以嘛，我暫時唔會再收免費補習嘅新學生啦，如果你真係想搵小妹補習，現時只開放正規$170/hr嘅補習(真係想就ig dm吧)。 不過脆友們都唔好太失望，小妹自認作文(尤其記描抒/開放題)都好有經驗，若果你哋有作文功課或者自己喺屋企作文練筆，都歡迎dm send篇文比我，我可以俾你啲實質嘅意見，同埋幫你哋批改(免費的)。 雖然我孤身一人難以幫助所有dser，但係希望我嘅綿礡之力，可以喺你哋溫得好辛苦嘅時候成為一盞低調而溫暖，潤物無聲嘅常夜燈。大家加油吧！我支持你哋的✨💗