百物騰貴，供應商每年或者半年就不斷加價，租金不斷上升，都知好多商家成本轉嫁俾消費者，曾經買一個菠蘿包只需要三蚊，依家大部分地方都可能要七蚊或者八蚊先買到，而我哋係呢12年入邊只係輕微加過一次價。 舉個例子開心果醬，100g就已經要價$60-70蚊，整一個蛋糕最少都要用到200～250g，所以其實好多產品我地賣緊依家嘅價錢利潤其實真係唔高，但係我都係想保留住初心，不過好老實講，做生意話唔想賺錢就呃你嘅，至於售價成本賺多賺少商家自己決定，我想大家都用最實惠價錢食到想食而又好食既野，食緊每一啖嘅時候都會有發自內心嘅喜悅，呢個就係我做甜品嘅初心，想大俾大家一點甜💬 作為一個店舖始創人，一個老闆，一個男人，營業額差左第一時間唔應該係諗去裁員，而首先係應該反省下自身，研究下自家品牌嘅不足，從而去改善，思考更多營運方式，改變思路，同店員們一齊共同進退，咁樣工作環境先會更加美好，大家都用心工作出品自然變更好💬

好食呀:) 支持🫶🏻