喺美國住咗一輪，終於叫習慣咗呢邊嘅生活模式。 呢排見thread都幾多港人討論英國加拿大生活， 但好似無乜人講美國😂， 等我都分享一吓我嘅個人體會先。 之前一直唔係好明點解美國人一定要用乾衣機， 當我喺美國經歷咗今個春天我就知道點解， 因為呢度嘅pollen(花粉)真係好誇張， 啲嘢放喺戶外一陣間就會鋪滿一層綠色粉末， 甚至架車泊街一陣就會成車面都係pollen， 所以根本無可能喺戶外晾衫， 再加上原來喺某啲州份戶外晾衫係犯法嘅， 所以終於明白點解佢哋一定要用乾衣機。 另外我發現呢邊嘅人好興餐廳「打包」， 試過食牛排條骨得番兩啖肉都有侍應問打唔打包😂。 由於呢度唔流行share dish， 所以一人一個main dish自己食， 試過同親友一行14人去食pizza， 結果檯面放咗超過十個大大小小嘅pizza， (小嘅都有10"!!! 真係嚇死me!) 最後就梗係食唔哂， 然後就一人一盒打包返屋企， 至少都無浪費食物嘅。😂