到最後先發現 大個之後一張合照都冇影過 所有記憶就只可以係腦入面懷念 多謝你 因為知道個孫女鍾意食雪條飲檸檬茶 所以買好多好多放係雪櫃 永遠都開住門等我哋黎 得你會同我講「文文 唔好急 要揾個真心錫你嘅人」 你再辛苦都會打開眼對我點頭對我笑 辛苦啦 終於唔洗再困住係個殘破軀殼 自由去每一個美麗嘅地方 見你記掛嘅人 當你掛住我 我哋就係夢中相見 係世界嘅另一端等我 我哋會再次相擁 我愛你 唔好再擔心我哋每一個 我哋會好好照顧自己 我會揾一個真心錫我嘅人 安心去開展你新一個篇章啦