香港好多聲稱pet friendly嘅地方仲係有好多對寵物極唔友善嘅職員 有次帶隻法鬥豬去西九，係m+門口附近（無企正門口阻住人）企咗陣，因為個日都幾熱，啲人開門時有啲微弱冷氣鼠咗出嚟，隻豬主動企咗係附近想嘆下冷氣😂我放低咗個水兜俾隻狗飲水，咁佢飲水時唔小心滴咗一兩滴口水落個排隊柱個柱座到，突然有個保安阿叔由博物館入面衝出嚟，勁兇神惡殺咁指住地下兩滴水話：你隻狗嘅尿！麻煩處理返！！！！！ 首先，我真係好疑惑佢點解可以係館入面望到個兩滴口水lol個兩滴水真係細到根本幾分鐘後就會自動蒸發咗…其次，假設佢離遠已經望到我同隻狗實一實，咁點解佢會望唔到我隻狗係趴低咗踹氣、飲水，根本完全無屙尿，點解要老屈我隻狗亂屙尿？點解老屈我唔清理狗仔小便？ 本來好聲好氣問一句「請問可唔可以清理返地上嘅水跡？」就可以解決嘅事，你係要覺得自己啱哂去屈人，去呼喝人做嘢，香港真係好多呢種自以為是嘅保安，唔明哪來的自信？