由3月開始，狀態一直時好時壞，有時以為好好多，但突然又跌返入龍捲漩渦🌪️ 患有睡眠障礙失眠加劇，諗嘢、聽歌、睇心靈雞湯，好難先瞓到，完全唔熟睡💭 直到月初大病咗幾星期，咁啱嗰陣落雨天陰陰，心情沈重加上身體不適，直達情緒深淵🕳️ 忍唔住將咁耐以嚟嘅事勾哂出嚟，信息、相片、若干如果、種種回憶，其實已經喊唔出好耐，但心痛碎到四分五裂💔 最接受唔到可能唔係佢所作所為，而係本人好多事好錯都包容接受、原諒唔到都當冇嘢，一早睇清睇楚，結束前嗰條大導火線更加係透徹，面具再戴唔穩原形畢露，但偏偏異常留戀仲竟然想挽狂瀾🚩 朋友們問佢到底有咩好到令人中邪，講出一樣就得，思前想後一個優點都諗唔到，缺點反之數不清，濾鏡從來冇存在過，或者愛就係純粹冇道理可言🔍 大病到尾聲，有一晚忽然叮一聲🛎️ 當然對佢對份感情仲有觸動，但實在頂唔順個人成嚿微生物細菌🦠 挑起條筋走去染過剪短哂啲頭髮、買過啲新衫，就當係象徵重新嘅第一步👣 曾經有人同我講，[即使唔係馬上做到，但每日見到自己有0.1%進步都好，都要欣賞自己。]，的確只要唔走回頭路，慢慢行總好過原地打轉🌀 心痛便剪一剪那條情感線✂️ 無謂縛着掛牽要看前面👁️ 加油🙌🏻