Emergency Escape Breathing Device(EEBD) 每次講解都好強調只能用喺逃生 而個設計都係好簡單 揹樽 打開個袋 套上頭就有氧氣 笠上去就即刻走佬 —————————————————— 話說每月一次例行訓練又嚟了 今次訓練時間長咗好多 點解呢 之前講過做training 嗰陣我啲同事都係 恰緊眼瞓或者嘻嘻哈哈咁 結果上個禮拜喺南美某國俾個驗船官上嚟查船嗰陣 捉個成日恰眼瞓嘅同事示範戴個氧氣樽同面罩 佢竟然未開個氧氣閥就上面罩 （條友真係唔識㗎喎） 情形好似搵膠袋笠住自己個頭一樣 喺冇氣情況下手忙腳亂咁搵喺後背個氧氣樽開關 擰嚟擰去都開唔到個valve 喺佢就快窒息嘅時候 個官就話：Ok! Call master 最後船長就俾個驗船官屈咗一千美金 如果唔係就出report 寫deficiency 船長唯有死死氣俾錢 搵一揸一蚊五蚊十蚊美金湊夠一千 揼俾個官慢慢數 叫做跌落地楋翻揸沙 同時間落order叫我再好好教育啲crew 經過呢一次之後 好嘅就係所有crew都好認真咁聽講解 但個問題係 個同事都仲係一嘢就笠個面罩上頭先 再同我講佢唔會做錯多一次🫠