有冇人試過叫Lalamove步兵送貨之後變成咁🥲 整咗咁多件流心撻 都送過唔少張外賣訂單 真係第一次遇到咁嘅事😭 交俾步兵嘅時候再三提醒 叫佢要手提同小心啲拎🥹 點知過咗半個鐘佢沿途折返同我講 : 小姐你啲Tart倒瀉晒送唔到 然後我見到佢將啲撻綁咗喺架車仔度 打斜咁樣拖行 仲要架車同一時間有好多件其他嘅貨品 到最後我就攞返兩盒倒瀉晒嘅撻 仲要冇賠償同態度唔好 話係我貨品嘅問題🥲 仲影張假相扮已完成訂單 個重點係 由於散水餅真係好睇時間送 如果遲咗個客人冇得派都好大件事 實在太感恩客人嘅體諒 我即刻快馬加鞭整過24件Tart 然後再搵另一個步兵送過去 好彩喺收工前成功送達 事後我已經即刻用live chat同lalamove投訴 但係完全冇任何嘅回覆 打電話又冇人聽 我唔知究竟可以係邊度追究返 朋友們叫我上threads問問大家意見😭