自我覺察係一個好重要嘅能力，認知自己情緒、言語、行動、思想背後嘅根源，先可以學識同自己相處，提醒自己點樣可以做得更好，甚至接受自己差嘅一面。 但套落他人就係某種罪過，因為你永遠無法完全同理他人。 曾經遇過一任老細，鍾意經常將底下嘅同事、身邊嘅合作夥伴分析一輪。攞人哋嘅片面經歷甚至創傷，同某件雞毛蒜皮嘅公事混為一談，將他人嘅性格弱點、家事八卦，撈撚埋啲大眾心理學、星座刻板印象分析一輪。第一次聽真係嚇撚死，簡直大開眼界，乜做人原來可以咁mean咁惡毒😅表現自己幾咁有洞察能力之餘，順手踩人哋兩腳享受某種優越感，再用一種好高嘅姿態講下自己有幾同理對方嘅困境，bravo 👏🏼 講真，喺呢個咁病態嘅社會，有邊個唔係有一兩款創傷有一兩件issue傍身？唔係某程度上信任你，都唔會俾你知啲私人嘢啦。唔係親身經歷你又同理得幾多，呢啲咁嘅所謂分析到底真係想同理人定係滿足自己？ 自此之後狠狠警惕自己，self awareness 係重要課題，但點都唔好擺落人哋度。