過得唔係咁好嘅六月 （五） 最新update 我地幾個租客都話要搬 尋晚屋主兩公婆尋晚搵左Peter坐低傾 嘩卑躬屈膝到 屋主直頭俾埋錢，喺附近搵左個地方，仲要出埋錢幫佢搬屋 仲要低聲下氣，話星期三同佢一齊過去睇個新地方，睇啱嘅話，最快月中搬 話原來佢依家個租金係$750，新嗰度係$800，屋主直頭補貼佢嗰$50蚊 所以Peter只需要俾$750就租到新嗰度 呢個世界，真係有啲人嘅邏輯係同其他人唔一樣 Peter尋晚講到好大聲好激動，又話自己已經儘量配合，夜晚唔再落去煮野食 講到自己勁慘，話大家生活習慣唔同，但佢都願意配合 鬼係咩，明明尋晚3點幾又落左去廚房，又一樣喺度大聲咳