Night walk係好東西，唔駛行跑步機 (最憎)，可以放空，靈感仲會突然到。呢一刻我好想寫低我頭先諗到嘅野。 朋友曾經話我嘅計劃似通勝，將來咩月份會發生咩事，我可以超具體咁講晒出嚟。今時今日喺香港生活，挑戰比以前大，每個人應對方法唔同，我就只能用計劃去令自己安心，然後再一步一步實現自己所想。 兩年前，我覺得香港唔妥，就開始plan未來，嗰刻我純粹憑經驗同直覺去估。而家望返轉頭，雖然冇自己想像得咁美好，但我嘅計劃基本上實現左，行到呢步，我好滿意架喇。再望下將來，未來計劃實現嘅可能性都非常非常高！！！呢一下我真係難掩心中嘅興奮，日子係唔容易，但唔代表我要放棄追求自己想要嘅生活。 「因為凡祈求的，就得著；尋找的，就尋見；叩門的，就給他開門。」 嚟緊廿四碎，呢一年會更好，一定會。😉 (好啦，自high完，其實放完個長假我好多野要做，我聽日都繼續要死死氣氣咁做埋佢。另外公司最近地震，我好多心結解唔開，同自己review時發覺現實同計劃接近，我個心又真係即刻定左啲，所以我冇辦法唔幫自己plan。)