每日趁半夜餵奶打少少，紀錄生仔經過（完） 我以為生咗個b出嚟，痛苦就會完結 原來我太天真 突然間醫生成隻手伸入下面唔知挖啲乜咁 痛到我忍唔住嗌出聲 Feel到有啲嘢出咗嚟，佢話係胎盤 然後又繼續挖咗幾吓，之後就聯針 感覺到佢拉條線呀呀呀 完成後助產士教要按摩下個子宮幫助佢收縮 佢幫我按咗幾吓，好痛 仲話自己要得閒按下 我嗰下心中有啲燥，大佬呀我痛苦咗兩日 點解生完都仲未痛完？ 終於可以離開產房 推住我上房嘅姨姨話即刻可以食嘢喇 上到房抖下，個人已經感覺好好多 順產係一次接近死亡嘅體驗 如果比我揀多次開刀定順產，我都唔識揀 因為順產成件事真係非一般咁痛 但復原係快嘅，好快已經可以落床行 可能係先甜後苦同先苦後甜嘅分別 陀一次生一次已經攞我命三千 仲有之後湊newborn嘅無得瞓地獄 唔使問我幾時生多個，我一定唔會再生🙂‍↔️ 順產