去日本旅行，可以的話，都會選温泉旅館住宿。 當完成一日嘅旅程，浸下溫泉，放鬆下，消除疲累，瞓得特別好。 點揀？住邊間？自己經驗： 1）自駕的話，會搵d偏遠啲嘅，甚至秘湯，清靜少人，好多時可以包場浸浴。 2）選提供二食，且不是自助餐的旅館。經驗之談，食自助餐的好多時都係一家大細或團隊去，到時浸溫泉又好、食飯又好，都較熱鬧，甚至有點嘈。食物方會，會席料理通常都係不時不食，提供當造的季節食材、用不同的器皿盛載，有時精緻得如藝術品。自助餐呢？熱食長期加熱、冷食又長期放著，又要多款式去迎合不同年齡層嘅旅客，變相冇樣精，好難會好食。 3）不選有泳池、康樂設施的洋式渡假酒店。情況如上，好多小朋友、團體入住。 是次東北之旅，幸運地選了這間，規模不算大，房間不多。亦因入住旅客不多，服務員更貼心、更有耐性及關注客人嘅需要。浴場雖不大，包場，空間感充裕。 睇番旅店旅遊雜誌介紹，原來這是「大人之宿」！下次再選擇旅館，應該都從這個方向考慮。🤔