喺英國Wales Camping緊我覺得 我搵翻一樣我好耐冇擁有嘅嘢 就係勇氣 以前我個人都幾衝 見到有咩就會去試去做 一味咁衝過去 完全唔點諗後果 結果某一兩年因為一堆事令到我成個人收哂皮 從此以後 我做事係 十思而後行 要Plan好哂、跟哂Plan咁做嘢 有Plan唔係唔好 Plan過諗過係可以減少對未知嘅恐懼 但係亦都令到我減低即時面對困難嘅能力 當遇到問題時 我點都要諗一排先去解決個問題 但係現實好多野其實冇得俾你諗咁耐 有啲嘢係真係要有堆火有股衝勁一下做咗佢 今次個Trip最特別係我有好多都未試過 而且如果得我一個人 我都幾肯定我係唔會試 但係好好彩係每當我想就咁走開嘅時候 我其中一個朋友就會不斷鼓勵我去試 係佢身上 我見到 勇氣 當我做哂一堆我以前唔會做嘅嘢嘅時候 我終於明白點解啲人中意極限運動 源自於滿足感、成功感 就算失敗都會再接再厲 寫到呢度嘅時候諗起呢個詩句 「千錘百鍊出深山， 烈火焚燒莫等閒」