你都識講唔係你結婚， 即係唔係你主場， 就應該跟人哋規矩。 第時你結婚， 你唔介意賓客點着係你嘅事， 但去人哋婚禮，就應該尊重人哋， 就好似去旅行要尊重當地文化一樣。 「喂，我問咗個friend佢話唔介意囉！」 有幾多個新人會兜口兜面覆你「喂唔好啦！」？ 去人哋婚禮，但由頭到尾站喺自己立場諗嘢， 完全冇為過場合、冇為過對新人諗， 喺呢個對朋友嚟講係「一世人一次」嘅重要場合， 都唔肯以對方行先， 咁其實呢個朋友對你都唔係好重要啫， 你不如直頭唔好去啦。