曾經有位在日本長時間生活過的長輩提出的話題，佢話唔明點解浸溫泉時係洗身的位置上已放置個人物品（洗頭水、洗面液、毛巾等），仍然會有人走埋佢個位度移開物件沖涼。（佢自己已浸緊溫泉） 如果係你，已全身脫光，身上只有小毛巾，離開更衣室進入温泉內，才發現洗身位只有3、4個，全部有人用緊，而且睇落都係剛開始洗頭沖涼，除左一個空位，但水龍頭附近位置放置左私人物品（梳、洗面奶、小樽護膚品等）但冇人係度。你會點做？或者應該點做？