見到大家討論想知道剖腹生產有多痛？ 對我來講 剖腹生產一d都不痛 落床都唔痛  最痛係要將腸全部拿出來 因為血崩所以要清洗留在肚裡的血液 記得我等BB離開咗間房間之後 用最冷靜的語氣問醫生 請問這個手術仲要幾耐？ 佢問我係咪心口好痛？ 佢好似有講好多野 不過我聽唔到佢講乜。 我用顫抖嘅聲音同佢講 我開始感覺自己將會失控 你可唔可以搵人撳住我隻手？ 我怕會拉跌你所有嘢 我可能8秒之後就會失控 然後印象中 有好多人衝埋嚟撳住我手頭 我放心地歇斯底里咁嗌咗出嚟 同埋瘋狂咁郁自己啲手同頭掙扎 佢哋唔俾我郁 因為手同鼻都有插着好多嘢 跟住老公崩潰爆喊 佢以為我會死 跟住護士拉咗佢出去 但佢隻手一路拉住我右手唔放 (好似藍色生死戀咁) 旁邊嘅人 一路同我加油 數時間 佢話10秒之後 我就可以瞓覺唔會再痛 我同佢講 我比一般人承受更加多嘅麻醉藥 佢哋唔信我 最後 我記得數到15秒 跟住我嬲咗個麻醉師 同醫生 呢個痛 我會形容為 活着被人五馬分屍 我一世都唔會忘記 提起都流晒汗 唞唔到氣 從來都冇提起過呢件事 因為我根本唔能夠提起呢件事 原來已經過咗八年。 感恩。