尋日父親節，父親唔so我，轉個頭就俾個朋友拉咗去行RG。 由於九展拆卸在即，Rainbow Gala今年已經係最後一屆。對於呢個Cosplay+同人盛事，我一向無話特別大興趣，所以今次都係第一次入場。天氣炎熱，九展內侷促嘅空氣令溫度進一步上升，但無阻人流，真係覺得coser好犀利。幾個鐘後終於行晒全部場館，血耗盡。 臨走回頭望多眼，有少少感到可惜。見到呢度嘅人就算熱到仆街多人到仆街都一臉滿足，只係因為佢哋熱愛呢個文化。雖然呢種文化一直被自命高尚嘅人視為次等，但佢哋又點會知道係幾多人嘅精神支柱？ 九展拆卸，除咗Cosplay、同人、動漫文化，受影響嘅當然仲有音樂，一樣對人民非常重要。如今香港一方面提倡「以文化吸引旅客」，另一方面漠視普羅大眾對「次文化」的需要，到底呢個地方仲會如何發展呢？