神奇經歷分享： 啱啱喺IG見到，有網友話如果唔見嘢，就向住空氣大喊：「蒜頭蒜頭蒜頭、洋蔥洋蔥洋蔥」 就會搵返！ 睇comment啲人話，原理就係嗰啲「小精靈」好怕蒜頭同洋蔥呢類嘢，所以你講完之後，佢哋就會乖乖俾返件嘢你。😆 我repost咗，都係諗住搞吓笑！ 咁啱我尋日就係同啲小朋友去公園，玩完之後唔見咗個鏟，搵勻全間屋都唔見。但係我明明有印象，睇住其中一個小朋友落車嘅時候拎住個鏟行入屋嘅！ 詭異嘅係，我諗住睇返door bell紀錄，睇吓當時係咪真係有拎到入屋，竟然全日淨係咁啱錄唔到我哋行入門口嘅呢個moment！ 今日，我去湊仔放學，喺架車度我同佢哋分享小精靈呢件事。過程有提及：「蒜頭蒜頭蒜頭、洋蔥洋蔥洋蔥」呢個口訣。😬 講完之後，一停低架車，我竟然喺前座乘客位個地下度搵到！ 奇怪嘅係，尋日明明冇人坐過前面；然後，我都有搵過架車，當時係見唔到嘅！ 😬😬😬😬😬  Anyways，又唔使錢嘅，大家有需要咪即管試吓囉！😂