以前一路都唔覺得正能量好重要 覺得人有情緒好正常 我仲要係負能量代表 悲慘代言人咁 成個世界都好似好灰咁 識得我耐既朋友就知 真係睇住我改變 有時講返以前 我都會心諗做乜9 我嗰陣一定係冇左個腦😹 完全黑歷史⋯ 做gym真係改變人生 最大改變係心態 上係情緒上 覺得個人平和左好多 當然都係係健身上都經歷左一啲事 認識左一啲人/過客 而促成左依家嘅自己 覺得同頻嘅人真係太重要 積極樂觀正面嘅人真係會影響身邊嘅人 但相反壞嘅情緒更容易毁掉一個人 曾經可能因為有啲淨係識批評人 唔鍾意人 淨係發放一啲八卦/是非嘅人 但係當你認為係朋友就唔會覺得有問題 然後慢慢被感染成自己都成為咁嘅人嘅時候 對於曾經被傷害過嘅人其實一路都好歉疚 甚至對於當時嘅自己都覺得好可悲。 好彩嘅係 依加大個啲 慢慢識得揀朋友 唔係淨係對你好就一定係朋友。而身邊好彩都有好多好正面正向思維嘅朋友，逐漸個人就更加清醒 知道邊啲關係係有害 邊啲先應該要重視。