睇完d 人comments 歐小姐個訪問，先唔談論佢d內容，見到有人話佢離婚，仲要公開自己喺交友app識男仔，會影響d 細路發展成長，驚佢嗰對10幾歲嘅仔女返到學校唔知點面對其他人，I was like : Come on! 咩年代？係咪要返去清朝？婚姻會觸礁或者如何觸礁，當時人都難以釐清時，其實旁觀者真係會知點解？如果真係用咗幾多方法都係繼續唔到落去，分開一定唔好？孩子見到父母日日都唔開心唔通佢地會好開心？我真係見過太多上一代嘅人，因為各種社會比女人嘅規範同枷鎖，搞到下半世幾辛苦幾艱難，幾唔想再對住呢個人，都要涯埋落去。下半世喎，我成日都話you only live once，用下半世嚟犧牲自己燃燒生命⋯⋯我完全想像唔到係點。有啲上一代嘅女人以為自己含辛茹苦好偉大，但係佢唔明啲仔女睇住你哋日日鬧交嗰種情緒勒索仲影響佢成長仲大陰影。接受父母離異可能係唔易，但都冇想像中咁難。當然冇一個人會想自己父母離婚，但如果可以同小朋友做好心理建設同正面處理，我都幾pretty sure 要有一個健康成長嘅童年係唔難⋯⋯