喜歡一樣野係唔使將另一樣野踩落底的，你可以喜歡港式檸檬茶，但要有幾無知先講得出香水檸檬隻香味係化學香精，同廁所嗰啲一樣🙄當然一定有啲不良商家為咗慳到極致用假野，但一般而言 幾片平檸檬就已經夠個香味，係唔洗再加香精的 加咗就冇野可以打了 有番少少常識都知，首先啲香味就係來自檸皮上面既精油，大力打到爛可以幫助佢放出黎，同有啲cocktail 會擠檸皮或者有啲西餐/甜品會削檸檬面層皮落食物到令佢帶檸檬香一樣 另外香水檸檬同平時食既黃色檸檬🍋香味唔同，係因為佢地真係唔同野黎，正如愛文芒果同呂宋芒都唔係同一個香味 有新事物出黎，你可以唔接受 但唔接受都唔代表會比較高尚，只係喜好唔同啫。唔使嘈亦都冇咩好嘈，如果件野出到黎大家都唔買帳佢自己會消失 我自己就兩樣都會飲，雖然而家所有甜野都好少飲了，但我會當佢地係唔同既飲品🥤就好似港式鐵板牛扒同西餐牛扒一樣，佢地係唔同野冇咩好比較，厭棄港式牛扒/西餐牛扒都唔會令人顯得更高尚